සිබීආර් යන්නෙන් අදහස් වන්නේ ප්‍රජා මූලික පුනරුත්ථාපනයයි. ආබාධ සහිත පුද්ගලයින් ඔවුන්ගේ අයිතිවාසිකම් භුක්තිවිදීමට හා වගකීම ඉටු කිරීමට හැකිවීම පිණිස පුනරුත්ථාපනය කිරීම, සම අවස්ථා සලසාදීම සදහා ඔවුන් සමාජයට ඒකීකරණය පිණිස දැනට තිබෙන්නා වූ සමාජ සංවර්ධන වැඩසටහන් තුළ අවස්ථා ඇති කිරීම මෙහි අරමුණයි.

සී බී ආර්. පිළිබද තොරතුරු ලබා ගැනීමට කැමැත්තක් දක්වන ඕනෑම අයෙකුට ප්‍රදේශීය ලේකම් කාර්යාලයේ සමාජ සේවා නිලධාරීගෙන් තොරතුරු ලබාගත හැකිය. එසේම, සමාජ සේවා හා සමාජ සුභසාධන අමාත්‍යාංශයේ සීබීආර් ඒකකය පහත දුරකථන ඔස්සේ අවශ්‍ය තොරතුරු ලබාගත හැකිය.

ඔබ දන්නා පරිදි උපදේශන සහකාර 100 උපදේශන සුදුසුකම්ලාභී සමාජ සේවා නිලධාරීන් 82ක් දීපව්‍යාප්තව ප්‍රාදේශීය ලේකම් කාර්යාල හරයා සේවයේ නිරතව සිටිති. ඔවුන්ගේ සේවය නොමිලයේ ලබාගත හැකිය. එසේම, පසුගිය කාලයේ උද්ගත වූ සුනාමි ව්‍යසනයෙන් අනතුරුව වෙරළබඩ තීරය ආශ්‍රිත තව ද විශේෂ උපදේශන වැඩසටහන් පවත්වනු ලැබේ. වැඩිවිස්තර සදහා පහත දුරකථන අංක වලින් එල්.එච්.තිලකරත්න මහතා, සහකාර අධ්‍යක්ෂ (උපදේශන) අමතන්න.

ඔබ මාසික ආදායම රු:5000/- කට වඩා අඩුවෙන් ලබන ආබාධ සහිත පුද්ගලයෙක් නම්, වයස අවු: 18ට වඩා වැඩිනම් හා ඔබ සතුව ඉඩමක් තිබේනම්, රු:5,000ක උපරිමයකට යටත්ව ආධාර ලබා ගැනීමට ඔබට හිමිකමක් ලැබේ. ඒ සදහා අයදුම්පත සමාජ සේවා නිලධාරීගෙන් ලබාගෙන අදාළ ලියකියවිලි සමග ඉදිරිපත් කළයුතුය.

පූර්ණ ආබාධිතයෙක් වන ඔබට මාසික ආදායම රු 5000 ට වඩා අඩු නමි, ඔබ වයස අවු. 18 ට වඩා වැඩි නමි, තමාටම හිමි ඉඩමක් තිබේ නමි රු 50 000 ක උපරිමයකට යටත්ව (වාරික ක්‍රමයකින්) ආධාර ලබා ගැනීමේ හැකියාව ඔබ සතුය.

ප්‍රාදේශිය ලේකම් කාර්යාලයේ සමාඡ සේවා නිලධාරිවරයාගෙන් ලබා ගන්නා අයදුම්පත් සම්පුර්ණ කර චක්‍රලේඛයට අනුව අදාළ ලියකියවිලි ද සහිතව අයදුම්පත් යොදු කළ යුතුය

විදේශ ආධාර ලබන සියඵම රාජ්‍ය නොවන සංවිධානයත්, එක් දිස්ත්‍රික්කයකට වඩා සංවිධානයේ ක්‍රියාකාරිත්වය පවතින සියඵම රාජ්‍ය නොවන සංවිධානත් හා ඡාත්‍යන්තර මටිටමින් ක්‍රියාත්මක වන සියඵම රාජ්‍ය  නොවන සංවිධානත් කාන්තා අභිවෘද්ධි හා සමාඡ සුභසාධන අමාත්‍යාංශයේ රාජ්‍ය නොවන සංවිධාන පිළිබඳ ඡාතික ලේකම් කාර්යාලයේ ලියාපදිංචි විය යුතුය.

දිස්ත්‍රික් මටිටමේ ක්‍රියාත්මක වන සියඵම රාජ්‍ය නොවන සංවිධාන දිස්ත්‍රික් ලේකම් කාර්යාලයේ ලියාපදිංචි විය යුතුය.